MAHENDRA DBBARMANI SINIMUNG TEI SWIMUNG

SINIMUNG TEI SWIMUNG

Mahendra Debbarma: Kwcham jorani Kokborok tei Tipra luku hukumuno hamjaknaini bisingo Mahendra Debbarmabo khoroksa. Jono sikha Anduloni boyar nangwi kami amchaio berai beraiwi naimani kok tei hukumu mukumuni hamkwrai naitugwi Kokborok kokrwbai achairina bagwi saktharwi samung khwlai langnairogni bisingo khoroksa. Bo khoroksa Kokborok koktang, kokkhal, lukurwchapmung, holi rwchapmung swinai tei rwchapnai, khorang ragini rinai, koktun bwlai komthingnai, wansuk kwrwng elem gwnang tei luku rwchapmung kwrwng hinwi bo sinijago. Bini luku rwchapmungrok tabuk jotoni thani chwngsasa wngwi Mahendra Rwchapmung hinwi rwchapjagwi tongo. Kokborokni laibumano Doulat Ahammed, RadhamohanThakur, Khushi Krishna Tripura, Bangshi Thakurno karwi kubuni swikwrwng wansuk kwrwngrokni kokno khursana thangkhaino Mahendra Debbarmani mungno se puila khursajago. Tamoni hinba janasikha Andulonni songchajakma yagulo Sudhanwa Debbarmani chaitokmungbai komthingwi talbrum rwgwi karijak Kokborokni laibuma puila kokrwbai bwlai “KwtalKothoma” bwlaio bini luku rwchapmungrok karijagwi phaikha. Bini luku rwchapmungrok kami amchaini lukurokni langmabai gwdaljak.

Sinimung: Mahendra Debbarma 1917 bisini October talni nwichisni(27) salmario Agulini Tripuri nukhungo achaikha. Buphani mung Bhagaban Debbarma tei bumani mung Sabriti Debbarma. Bo puila bubagrakhor agulini Umakanta Academy rwngnogo porina chengo. Aboni yagulo 1938 bisio Kalikata University matriculation amjokmung pas khwlaiwi 1940 bisio puila Chartered Motor Company-o booking Clerkni sebokni samunghabo. Aboni ulo a sebokni samung yakarwi Tripura bubagrani Nuyungmani samung bwtango habo. Oro bubagra BirBikram Kishore Manikya Bahadar Debbarmani Assistant Military Secretaryni haba nogo LD Clerkni sebokni samungo habo. Bubagrani nuyungmao sebokni samung khwlai tongma jorao 1944 bisio Minarani Debbarma mungwi khoroksabai nukhung khakha.

Swimung:

MORE DATA UPDATE SOON.

FOR ANY SUGGESTIONS CONTACT US