Gorontwijak tipra ha || Koklop || Reshmi Debbarma

Tripura ha haste naithokma

Hapung-hathai,toksa tolua

Siyari dubui dubui pantwi thop thop.

Bwswkse khatungjak tripura ha ama.

O hao no ani omthai thwi kwlaima,

Irono ani tongthaini lelama.

Nini kangkhung tola chwngno toniui,

Nini hao maikhul bwthai rwui,

Chini ok bukcha supungwi rwo.

Ama goron gwnangle chwngno ringo,

Bachadi himdi, sichaui swkang himdi hino.

Phiyaba, dopha chapjakya uanama kwrwi,

Uansukya borokrok rangchak richakno karwi.

Nokphang wgwise seleng khatijak,

Nogwraisa nokphang saknajak.

Tripura ha uansukdi nini thinangno,

Yapirini kalam kwbaino

Lama bangmaswk ari khemaiduk

Yaksi-yagra hacham bai haduk.

naithok ha amani bwkhano ta swbaidi, ta swbaidi.