ANI KICHING || Koklop || Nakul Tripura

Ani kichingbai angwaisa

Baksa matongkhai chung salsa

Salsa sal hapmani sirwkya

Ogo mai kwrwi wanaya

Salo mai phaisa machao machaya

Ogo mai pungo pungya,

Sadung watwino hinya gwi

Ani kichingbai chung sapungno baksa.

Ani kichingbai ang waisa

Jora tongwise chung salsa

Kathang tongwise chung baksa

Kiching kamarba chung thansa.

Ani kichingbai ang waisa

Ganda hatio thang nani

Ganda haa kowar nai nani

Salsa kichingbai thang mani.

Ani kichingbai ang waisa

Nai naithokthok haparo

Mandar bokhorwi charoro

Sachalang jorao bolong hakra

Buphang waphangni balai kalaiwi

Rotom sagwi phaisago

Balai kakharang naithogwi

Hathai naithoksa buphangbai.

Ani kichingbai angwaisa

Twisa bwrkung rekewi

Nai mokolbai nwkhono

Raima saimani gatino.

Ani kichingbai angwaisa

Lama lam himui lam thakya

Lekha swimani dinta no

Charai phangsini baksano.