Chwlarok ni Halok || MSD 15/09/2024

Chwla borokrok kenoni bagwi
Kaham ungwi Maya.
Chwlarok kebo ungwi Maya
Kaham Bupha,
Chwlarok keboni ungwi Maya
Kaham Bwsai.
Chwlarok kebani ungwi Maya
Kaham Bwta.
Chwlarok keboni ungwi Maya
Kaham Friend,
Chwlarok keboni ungwi Maya
Kaham Phayung.
Chwlarok keboni ungwi manjaya
Kaham Sajwla.
Jotoni seva eba chubaoino
Ungwi thango bura,
Hiksano naimang chwlarok
Maphano muchungtwi naimaya,
Haste haphangni samung tangmang
Hiksani pekam naimaya.
Mapha, Hiksano khusiKhlai man ya.
Dophao Borok kaham hinjakya.
Khwlai manja chwlarok mungsa
Sak sakni bagwi.

By Madusudhan Debbarma