Jorina nangnai || Koklop || Killian Debbarma

Naithok aswk khumbubar bahai swnam jakhwna .
Naithok aswkno hinkhe tangwi jorina nangkhwna

Naithok manwi joritwi teitamo jorino
Jori thangkhe waisa teisa kide kiphilno

Barswkang barnaibo jorinato nangnaino
Barsuk manya rokbo komorwino thangnaino

Khwnathotok khorang joto komornani nangnaino
Omo semise kubui joto kwmanai no

Samung humung kubangno phiya jorase swrapsa
Teikisa jora mantile tongkhanu nwngbai tikisa

Nogwrai phaima swngcharo nokha philik twi
Kwmai thangnai haino salcha mokol philiktwi

Kwlang manya kunu hinbo khao ta twidido
Joli khyto jolidi phiya muito ta khaidido
Phiya muito ta khaisidido