Kasulayanw || Koklop || Laisa Debbarma

Phaibaidi joto pal baksa,
Kasulayanw wngwi kha thansa.
Okra-cherai joto nono thumdi,
Omor wngsukya kaijakmano kasudi.

Chaya saiman twtwi,
Tongnaya siring siring.
Khorang tisa khese,
Mwthakjaknai o chaya tongmung.

Khorang tisai sana nangnai,
Khoroksa khoroksakhe mabujoknai.
Omor kasukyakhe,
Thwi-hor bo khasukya.

Wngwimano omor ba-ra,
Wngkhwlai bisi simani bara.
Nini ani hinyaoi,
Dakti dakti khwlaioi,

Purna nangnai o kok,
Bo omor o kaijaknanang de nwng pok.
Abaino nango kasulaina,
Pirjakna bagwi kubui kothoma.