Tongmani Chini || Koklop || Arun Rupini

Tongmani Chini

Wngkha tini buini,

Tongmani chini borok Tiprahani naikol phang ,

Wngphai kha tini buini haani borok Tiprahani naikol Phang,

Tongmani bebak chini

Wngkha tini bebak buini,

Chengkha thwngjaknani tini buini haani phainairok bai,

Phaikha tini Tekto birman chini Dophao,

Wngkha chini dophale tini bigra khangra,

Wngkha chini dophale tini chamungni biyal nungmungni biyal,

Wngphai kha tini buini haani phainairok khe rang maikhul gwnang ,

Chana chabaya nungna nung baya,

Buini haani phainairok khe Wngphai kha tini bebak ni nokphang,

Chini haani borokrok khe wngnani nangkha tini buini haani phainai borokrokni Seleng,

Twrwk twrwk sekjakbai kha bebak chini tongmarok,

Wngkha tini bebak chini tongmarok buini,

Haiphano tongkho khaole poito  salsale chini wngphiranw hwnwi !!

Chini sikla chalairokni sakni kolom twi khiklaimani bising twi.