Kokborok Sahitya Sabha thangnai 2023 bisini may 22 salmario swikwrwng Nagendra Jamatia Achaima salno rwgwi Kokborok Kokrwbaini hayungo yapiri kwtal seui “Swikong Sal” hinwi sakhalaio. O Salno rwgwi tini may 22 salmario Kokborok Sahitya Sabha Swikong sal Palaikha Aguli Bijoy Kumar KBSS nogo. Swikwrwng Nagendra Jamatia no muito khwlai boni achaima salno Swikong sal hinwi KBSS palaimani abo Kokborok kokrwbaini hayungo kuchuk beremni wansokmung.
Swikwrwng Nagendra Jamatia 1947 bisini 22 may talo achaio, bo swiwkrwng simiya dophani ojama bo wnglangkha. Swiwkwrwng 2019 bising ni 21st January talo o naithok hayungni yakarwi ayang masingo yapirii rio.
o salo Nagendra Jamatia ni Sajwla Dr. Kahamnuk Jamatia tei KBSS ni Bitiphang swikwrwng Nanda Kumar Debbarma, Kasku Bikashrai Debbarma tei Tangphang Ramesh debbarma tei KBSS ni adong rokbo manjak kha. O salo KBSS ni kasku Swikwrwng Bikashrai Debbarma ni achaima sal bo palaijak kha.
Views Today : 1
Views Last 7 days : 210
Total views : 29521