Chini Sinimung By Shampari Debbarma

Achui-da bura phwrwng kwlangma,
pokgwlak chwng tini.
Ma-pha bai gwdaljak hukumu,
abono chini langma.Hukumu karwi, sinimung kwrwi,
hukumu no chini sinimung.
Sinimung riui sinijak laiyanw,
phai bai di lukusong.Chini takmung, chini lopmung,
Chini tongmung, chini chamung,
Chini kanmung, chini chumung,
chwng no sinimung rio.Yak bai romwi lam rilaiyanw,
chwng chini sinimung twywi.
Kha bai kha manjui pirsa laiyanw,
chwng chini sinimung.Hayungo nokbar twibar tongsak,
komorna rigwlak chwng chini sinimung.
Tini narwkthai khwna ni bagwi,
narwk laiyanw phai di.