Bolongni Khum || Koklop || Kiyu Marak

Bolong kwkhwrang

Buphang bai waphang

Tei naithok naithok khum,

Bolong gwnangwi

Phududu wngwi

Buphangrok khumni nukhung.

Kwchak-koromo

Bwlai rotomo

Naithok naithok khe barwi.

Bolongni tokrog

Pung laiwi bohróg

Bolong mwchangma nugwi.

Piya bongbwrai

Modu kusuplai

Tongthogwi rwchap lai-o.

Khumbar motomma

Bubar naithokma

Nobar-rog rwkthar lai-o.