Khani Mari

~ Killian Debbarma

Khajuni surango khombarsa berwi
Twilwlwk sarigo kwtwikhe mwnwi
Rangchakni wayingde khilioi mano ?

Haduk kologo watwi asarro
Nogbar swrwkhe bwkha besero
Twrwk khwlaiba kwbaksuruide mano ?

Sal-hapna chengkhe khumsairik bartwi
Sanja jorao sampari motomtwi
Achugwi gana sak-haide naharoi mano ?

Nwngbai mwchangwi chamathwi borok
Risa sorterwi tei yakhungo kharok
Ayangbai logikhe wathaopde bachaoi mano ?

Chaswmai motom nini naithokma
Swraimung gwnang khani hamjakma
Nini bwkhani Mari anode gosioi mano ?