Lama lam kolok himnani swkang ~ by Hayoung Debbarma     

Sichadi nungbo , jorale laiwi thango

Aichukni sari mwkhang sunani naisingde nono tongno ?

Aitorma khitung romhordi soton ,

Malaithai tongo satung .

Hathai sakao togla koichigo , chuchu musuo khorang .

Kokokereko kebuda tong haphang ?

Thuyamni bumul sago kwphajak .

Phiya mwito nung tongdi  tongo chini thinang …

Sumuk thanganu haping gairingo ,

Kwlangwi harungo nok  

Lama lamkolok himnani swkang

Sabono naising tong ?

Swikong phaiwanu kwpal chaganu ,

Romwi kwpalni khwnai .

Lama lamkolok himnani swkang

Sabono naising tong ?