O sal belai Hakchalphano ~ By Dhanuraj Noatia

~Draj Noatia

O sal belai hakchalphano,

Khao rwchapmung o salno twiwino,

Twikwlaima khorang haikhe rwchabo salburum,

Ninino muito, ninino o sal.

Siyari kwlaima aichukni khorango,

Nini muito sapuljak khapango.

Khumni bahaio nini bahai mano,

Hakchalo tongwibo, nwng ani ganakugo.

Nokha kupulwng jeswkphano chumui kolobthun,

Nini pohor swbai rio bebak hamya khakamung!

Mokol bwlaio rikmani mangpili,

Nono twiwino bebak hor salni!

O sal belai hakchalphano,

Khathonjak kaisa lamaonu,

Jora swlajaknai, twima lam phernai,

Haiphanu nwng ani gana tongnai, salburumnu!