SALTHANG || Koklop || Mithun Tripura

Jorale salni salthang tini
Khapangle nogo bathakya ani
Laijak langmani kokthairok ani
Saoi khwnalayano boyar kwchang nwngbaino tini
Salthanggo birnai tini oh naithok toksarok
Jaduni bagwi koktunthaisa
Khwnaroi mannaide norok
Salthangni thwngnai tini oh cherai rangchak rok
Khao’ wanama kwrwi norokle mwtaini borokrok
Kaphang swrangroi boyar sipsakha
Salthang jorago tini
Nok lam pokgwi berinaigano
Panthorno kisa tini
Arung kwchangbai ruwang rijakkha
Hayungle teisa tini
Sikla siklirok nogo chopjakya
Lama lamtiri gurini
Bwma masa bwsa rutukgwi mwkhang chaksukkha tini
Palbai thwnglaigwi noklam pokjak
Bwsale bini tini
Salthang jorani yaplai nanggano
Kichingni kamio ani
Palbai kuthunglai kok salaino
Harung narago kamini