SIYARI || Koklop || Bulti Debbarma

Aisi Siri masing siyari

Khani sampili mokolni Mari

Sabono Kiri phaidi yapri baksa

Ta thangdi kiphilwi taisa

Kha muchungo pal himnani

Kha muchungo baksa wngnani

Bumung kwmawi thangphano

Mwkhang swlaijakgwi thangphano

Khorangni sinimungbai

Jorano naisingmabai

Wa- ni rojong waono tong rwkha

Bwlaini Mari bwlaio no tongrwkha

Tini oro tongphano

Khwna aro kwrwiphano

Jorano kebo naisingwi Manya phano

Thanganw yapri songwi

Himanw dingi romwi

Yapri belwi thango ani

Hao kwlaio mokol kupulwng mwktwi ani

Thinangni yakhwrai bawino thango ani