Swngmung || Koklop || Purnima Murasing

Achuk tongte tongte

Achomsa khakama phaio,

Malaima salsa nono wanswkma

Lama koroi tongma jora

Pohor wnggui nwng phaima.

Buphurw nwng khachoksa wgkha

Sarwk maliya bwkhao gosima.

Lama tungsa yapiri sewano wansokkha

Sawi maliya nwngba tamo wansokkha?

Nwngle salsa sawi kwlangkha,

Thangna nangnai jora kisani bagui…

Thangguibu paikha ano kwlanggui.

Phiyaba, phirok phaina salangliya!

Bisi le laio bisi le phaio nono nasingmang.

Nasingma balokha nono ang tini

Phailiya nwngle lama korokha tini,

Bisibo khonchorwi phai tongmabai

Nasing maliya nono ang tini,

Kubon lamao yapiri Sena nangkha. Ani de chaya ba wngma kulaikha?