Twngnwi Lama || Kokborok Koklop || Papiya Debbarma

Twngnwi Lama

              Papiya Debbarma 

Bolong belai kuthuk bolong !
Sal dipor Jora
Twngnwi Lama
O lama kubui kubui lama de ?
O bolong ni nogo da sokgwi no
Siniya lama bai
Wanswk te wanswk te
Bokhorok pal manya wngo
Bisiya tai kisa swk
O bolongo tongkhe
Mwnak si kobol sinai
Lama twngnwi ni bisingo
Bo lama ano o bolong kuthuk ni karinai ?
Yaksi lama romkhe
Lama da korono ?
Yakra lama romkhe
Bolongni manwi kwthwng baide mailaino ?
Sal taibo thangrwrwkgo
Sal thangma no nukgwi
Bwkha taibo ayuk muyuk wngo
Sal tongsani nogoda sokgwino ?
Nahar nuk horya lama !
Ano soi lamano funuknai kebo kwrwi
O bolong kuthukgo .