Bwrwi hwnwi || Renuka Debbarma || 17-02-2022

Tini ang tangwi

Bwrwi hwnwi

Tokhano nukbo khachuk

Tolingno nukbo khachuk

Sal jora saichung

Himna himrakya

Khapang khulogwi

Sana sarakya

Habai nokhani

Hamjakma kwcharo

Tini ang tangwi

Bwrwi hwnwi

Nokni besero kha bomwi ?

Sajora sekerwi

Sanjani phanswlwi

Kobonsa kholopsa jorao

Anobo nogo chobo

Ang bwrwi hwnwi.

Swngcharni hamya halogo

Bubar jorina kirijagwi

Ano khatio aphuru

Ani Amma—-

Ang bwrwi hwnwi.

Tini ang tangwi

Bwrwi hwnwi

Nokni besero bomwi-?

Achai phai phuru

Imangno manbumani

Sakni phan,gwrwng

Bebak ani tongmani,

Tokha tolingno kirite huite

Tini ang

Khorok tisana phan chojak

Nok-nukhungni samungo simino

Ari khawih rwjak

Tini ang bwrwi hwnwi.

Sakni Riknai Risha

Kanwi sorwi

Angbo jorano swndarwi

Uatwi nobarno mechenrwi mano

Halok kahamni bubar barwiwh

Angbo bwthai thairwiwh mano

Kha thonwi phan chujak

Basalni chumui

Jeswk phano nokhano monokthun

Imangno yaphao mochomwi

Tabuk ang swmai tangkha

Nokni besero tongyawih

Chango rituku phanwi

Khorok pakuri sorwi

Langhao maichu dawih

Nongkhorsiuanw hwnwi