Gairing kwbai || Koklop || Lordjen Deb Barma

Kwkhwrang i hachuk

Naithokma bunisai barakuk.

Goron somsajak bwkhao kokbiti chujak tabuk.

Mordarni building phawi

Pokbaikha norok gairing.

Nahawrwi naikhe khasao ani

Sabono sawi hamnai?

Kothoma gairingni!

Haphung hatai subawi

Ari bojakkha,

Sabo nawikha hachuk berawi

Gairingde tongkho  tabuk.

Huk hatalo tabuk,

Adoma kiting maini bahai 

Kisa manu wansugwi,

Mami mai kwtal kisa chawanu hinwi

Thangjao khapang kha swrangwi.

Haping bukcha toksa masabo kwrwi

Hapingo tongo tabuk

Gairing simise kwngsa kwbai kwlaiwi.