Ha Ama || Koklop || Parikshit Debbarma

O bwsarok   O bwtwirok,

Khwna bai gwrasidi.

Norokno nuksio   norokno sisio

Angle kunose sijaliya.

Mai Kutung chaibo ogose kwlailiya,

Twi kwchang nwngbo bwkhase kwchangliya

Norokno nuhurjagwi.

Norokba tamo simada wngkha siyada wngkha

Angle kunose saui manliya.

Maising sal bara lomwi phaibaikha,

Siyari dubwi dubwi.

Sakbai sakse nuhurlailiya,

O siyari tamobo wngkha.

Sakni khum bubar motomwi barbo,

Sak sakse kholna soya.

Maisingni sal pepwlai phaibo,

O siyari pepwlana riya.

Angle norokni ama jotono nugo jotono sio,

Norokba nuhuryada.

Bolongni toksa pungwi tongbaikha,

Tongnase thai kwrwi.

Sakni bwsaya sakni bwtwiyarok,

Badukhung kokjaktwrwi thwinase naikha angle.

O bwsarok o bwtwirok,

Thwina ta ridi norok.

*************************************

Star Votes= 5 out of 10