Hachuk beserni halok || Koklop || Manudevi Debbarma

Salburum aichuk-ni tokla koichikma

Khorang khuna-khe thangjao hokni samungw

Sabo ba sawiman

Hachuk beserni halok?

Lama chikonsa chibuk, sindwrai thangmani

Pantwi bengswnal oisigwi

Hachuk-hapung bokhokgwi

Hiksai khoroknwi hogo

Lam rio langa tei da twiwi

Kwnwi khabaksa gairing tangmani

Chuksoro soro nobar sib phaio

Oh! Rangchak diborni Mai khopsa chaphai sidi

Achuk khampwlai riwi

Wasungo gudok songwi

Bokgwi riwanw maikhulaio

Twi tilok kwchang samo berawi

Sanja jora nogo kiphilwi maichang khopsa

Twi ransa nungwi wansugwi thuo

Sal pasakhai hogo thangnani kokno.