Hayungni Rangchak || Koklop || Udai Manik Tripura

Lama himte himte nukha ang

Hayungni rangchak

Chwrai jora ama samani kok

Lama naisigwi himdi hinwi

Lamao lajonti buphang kubangma

Yapiri naiwi sedi hinwi

Lama tungsano tungnwi swnamdi

Tungtham tungbwrwi haino wngano

Borok khoroksano swikong Rudi

Bo tei khoroksano phwrwngnale wngano

Golani twi nwngwi pairukhe ta pokdi

Gola twi swpungna

Thuwi simi ta tongdi

Salni pohor kwtwng manjakna nangano

Majara mankhai swrwngna mano

Swrwngmung mankhai hayungni rangchak mano.