KHIBIWI MANYA || KOKLOP || KASHMIR DEBBARMA

 Kami daikungo, gati khamao

Tiyari kuthugo, huchung besero

 Gairing nugulo, tapang kotono

 Huijagwi ma tongo mwkhang khorang;

Thiti, nikuma jai khwlaijakya

Laibuma yarwng kwmarwrwk

Jaduni khorang kosorwrwk

Bosong, hoda, dopha ukologo

Himrwk himrwk.

Twikhereng twisa kuphungjak langma

Hachwk haruwak hathai lama

Haping gairingthai yakhilik kwbai

Hukumu kwcham swbai

Kwtal yapiri hukumu bolai

Jadusong biyango himlai?

Jadusong khibiwi thangbo

Angle khibiwi manya

Haping gairing bai tiyari twisa

Norokno pogwi chaya.

Kwcham hukumu laibuma yarwng

Kwtal bai mwchang himnai

Kwcham tongwise hukumu kwtal

Bahai pogwiba chanai.

HANGKHOR: KHOWAI,