KUBUI IMANGNI LAMA || Koklop || Sagar debbarma

Lampwra kwbang haduk duk kolok

Bolongni bahai mwsaktwi chiring chiring

Toling sikari borokswrwi bocholong

Baui ringhoro sakphangni bayapno

Dungurni twi siari kubuksai kochogwi

Thangu twisa bupra bangmasingno

Lama swnamwi kochogwi phainai

O dungurni twi kwchai tongrwgu tiari kuthugo

Uachengsa ualai buthup o jora

Empuru kuthum phaiu

Hor diboro sialsa pungu hakor bisingni khangwrai

ongkhorwi

Makhugwi tongu twisa botogo

Yaksi yagwra mwnak o jora

Chati phwnangwi talni pohorno

Poitu khwlaiwi tongjao saichung

Kwpal yak riui

Aichukni pohor buphru pirno

Siari pharwi yakhwrai barwi

Yasku swkang buphru ma him jano

Habani lama twisa twi khereng

Tiari barwi samsunduru busulwng barwi bengswnal

kwswngjak lamano pharwi

Yago da borok chango ri borok

Khorok pakiri sorwi

Himjao a kubui imangni lama