Kubui Phioknai || Samrat Debbarma || Samrat Debbarma

Swngchar wng khajotoni along_ Gerebjakgui ang hamya bai ma tong ?

    Kaphra jao sakno yokna ni ,

Ani pholano mwkthang mannani .

  Phiyokna bagwi ani pholano poito khwlaio               

  kubui lamao .

Ani rwngmung tei elem, phan bai ya;

   Tatal Samungo Yokna lam maya .

  Tatal ojuma mwnakni bupha– kubui lamao kebengui tong kha.

  Phiya kubui-o ang bachai tongnai;

     Ani pholano kubui_

phiyoknai.

Aswk chobarok Hayungo wngo.

   Kubui bwkhak se

Yokmungbo mano .

     Tong keseb jora digisigi ni,

Phiya kubui bai mwthang

Jaknani….

Kubuini lama-o pohor chwngsajak,

    Langma ni lamo angle bechajak;

    Pohor ni samung bebak no kubui

   pohor hinmarok tongtharo kubui.

Angbo khatangwi rwktharwi hamjak-

   Kubui lamao himna wanswkjak;

    Phiya swngcharni belokjakmungo

   Ang kwlai kwlai tongna nangja- o.