MUKTHANG WNGNANI LAMA (PATH TO SUCCESS) || KOKLOP || Andrew Debbarma

Mukthangni lama aswk kwlai ya

Busulwng panthorni lama.

Satung watwino soinani nangnai

Hachwkno laiwi thangna.

Lama majaro siyari kupulung

Bwskangno nuhur suk ya,

Teibo tongo hachwk hapung

Lengjagwi bel khe chaya.

Hareb rekeui himwi tong phuru

Rojongo usta khunai,

Busu bwlwng twi himwi tong phuru

Yakungo busu painai.

Joboi leng khwlai bathagwi him di,

Him yaui ta tong phidi.

Mukthangni lama aswk sampa ya,

Khano ta swbai khudi.

Mukthangni lama tini imang hai

Salsa le mukthang wngnai,

Mukthangni lam se langmani lama

Saichungno himna nangnai.