Salangma kokthai || Koklop || Dhanuram Tripura

Nini kokthai bai ani kha nango

Nwng salangma kokthai rok khunao

Nwngbai gairing lama thangwi

nwng salangma rok

imang lamao phaiwi salangma rok

nahar naikha

nini khorang de khuna wano hinwi

nini kokthai rok

nini yak romwi hinma rok

muito simi khwlai khwlang kha

rangchak richak manwi bo

nini salangma no pogwi manya

thaichuk bwbar barwi naithok

sawi tongma rok

ohh jorao nwng kok salangma rok

awo nwng bwbar kwtal

barkha hinwi khunao

lama himwi thangkhe

nini salangma kokthai rok

buini khuk tei khunao.