Thinang || Koklop || Ashadhan Debbarma

Chukhurukhuru gairing nok anile

Nokbar kotor phaikhe

Kobon da thangno ani nok gairingle

Wanama paiya wansukma paiya

Bwkhani kirima paiya

Buphangni saklom chumuini saklom

Ani khorokgo kwrwikha saklom

Kwpal hamyani chirikma khorang

Khwnana kwrwi tabokni jora

Khorokgo pakuri khawi

Bwchango rikhawi

Yakgo da twiwi

Tangwi naibo kulokmung kwrwi

Khorokni kolomtwi mokolni mwktwi

Kwlaima thakya anile

Hamya chayabo thakliya anile

Boro tongwi boro thangwi

Khakchangma manai angle

Ani thinangno naharwi naikhe

Nok horo angle undwra gundwra mwnak