Imangni Bwkhrwi || Koklop || Bhuban Mohan Jamatia

O chini imangni bwkhrwirog

Kebel kwlwi bwlai bisingni

Nirogsi chini thinang.

Yago mochomwi imang kuplung

Phaimani rochongwi nirog.

Aichuk siyari pantwi tukugwi

Kiyoganw salsale nirog.

Chwmwino norwi rangchakni sal

Mwnwi wanw naharwi nirogno.

Yaphang twi luwi yakswi mihimwi

Kwmao chwng nirogni kha swlakmao.

Satung mechemwi watwi yachagwi

Lairio chwngle phungni sarik

Nirogno lamsokmani

Nirogno hamjakmani.

Tamo Bugra tamoba Harisa

Nirogno rekejak imang tiyario

Jotonw kwlwk laijak.

Toksa tokmilino logisong twiwi

Ringanw nirogno sachlang boyar

khumulwng berai nani

Naisingdi o ranchak jorano.

Bwkhrwini jora takwraidi

Chini imangno taswbaidi.

Pisaroi tongdi Hayung kwplwng

Nirogni motom bahai.

Yasku thaitham kokbiti kholma

Haole kwlaiya si.

Borogni lama toksai thangkheno

Saklom malai wano.

Nirogni bagwi mapha mapha khoraima

Bebak nirogni banta.

Tanaidi mokol kolwi borogno.

O imangni bwkhrwirog.

Mani kherbai tangwi chamano

Phaidi sawano gana.

Nirogni bagwi khatijak imang

Phaidi sawano gana.