Watwini molo Bigrasani nukhung || Koklop || Aichuk Debbarma

Bisi kwtalni watwi naisingwi muya ha kwtwi tongthokjak

Hapingo hathalni bahai motomsaui kobonjak.

Kheto o mairok khwrangjiji bile bile tongthoklaijak

Bigra khangrani bagwile o thopsa thopsa watwi jwngjalni muktwi!

Bera labbwrwi songchajak Bigrasani nukhung

Watwi kwlaima Bui nukya machaya wngma Bui nukyadrop,

Phung aikhwlai bamtwk bukcha naitukjao mairum kolsa

Nukhungo thapa hor chwngya rutukjao bol kongsa!

Watwi rangchak wao mwnwi mwnwiwi

Bigrasakheba kwpalo yak sungo wansuk wansugwi,

Saboni sejamung chawiba omohai wngna nangkha?

Ogo mai kolsa kwrwi mokolni mwktwi yorna nangkha.

Buphuruba ransama mansinai o mokolni mwktwi

Saboleba yak tolphaisinai soi simung raidani bisingtwi!