Kokborok Kokrwbaini Swiwkrwng, rwchapkwrwng takkwrwng Boromgwnang okwra Nanda Kumar Debbarma no 74+ Tongthok Achaima salni khulumung tei kha kaham yapharo.

Kokborok Kokrwbaini Swiwkrwng, rwchapkwrwng takkwrwng Boromgwnang okwra Nanda Kumar Debbarmano Tongthok Achaima salni Kha kaham tei khulumung yapharo Kokborok Kokrwbai website ni wngwi. Boromgwnang swikwrwng nwng salburum khakchangwi munui kaham kwrwngkhe tongjathu. Nini simung rwbaini phanbai chwngno twidulwi tongjadi.

Swikwrwng Nanda Kumar Debbarma 1950 engreji bisini 21st July talo omthai thwi kwlaio. Boromgwnang Nanda Kumar Debbarma Kokborok Kokrwbaini swikwrwng, rwchapmung swiwkrwng tei Thungnuk kwrwng hinwi sinijago. Swikwrwngni dalbidal swimung Rwngnok, Rwngnok kotor, Rwngnokyung rogo phwrwngjak tongo.

Boromgwnang swikwrwngni swimungrok wngkha

1. Simalwng sakao holongni Khum (Koklop)
2. Bolongni Bwsajwksong Mwsao ( Koklop )
3. Ani Ganao Ang (Koklop)
4. Dugmalino (Koklop)
5. Twima Rukungo Nok (Koklop)
6. Thungnuk Bwchap ( Thungnuk Bijap)
7. Rung (Novel)
8. Bubagrasa (Novel)