Imangni Muchungma || Koklop || Andrew Debbarma

Imang rutugo mukthangni mangno
Phiya mukthang bai malaiwi manya,
Rwjak rwjak bisi laio
Salbo ringhoro talno bini samo tongnani
Bini khorang tal khwde khwna?
Bo thangwi achugwi de mano salni samo?

Waisa uisu angbo imangno rwktharo,
Bo le ano nade naisingna?
Ang bono rwktharma bo saui de manna?
Ani bwkhao khorang chirikma
Sabo le khwnaui khorang yachaknai?

Naitukma kwrwi ang nuk glak,
Rwktharma kwrwi ang sogwi gwlak,
Ringhorma kwrwi kebo khorang yachak gwlak;
Phiya ang imangno bahai khe ringnai?
Boro ba bini tongthai?

Bwkhale khatungma bai muwani rwjago,
Puitu bwkhano thangcha rwo,
Tabuk bwkha le saboni wngnai?
Bo ani kok le khwde khwna?