Ani Kiching || Kokborok Poem || Sandhyaram Debbarma

      ✍ Sandhyaram Debbarma 

Kha sidropni simi chwng sinilaimani
Achaima samlalai wngwi,
Omthai thwi kwlaimabo kami khungsaono
Tonglaima khabaksa kwnwi.
Cherai phuruni simi chwng thwnglaimani
Hachingsa hukchalai twtwi,
Mai-mui songsong chwng thwnglai twtwi
Khalaimani kiching kwnwi.
Rwngnogo thangphurubo chwng kaklai manya
Rwngrem chengdropni simi,
Rwngnokni nogo chwng kiphil phaiphurubo
Kiphilo chwng khoroknwi simi.
Achuklaimabo chwng rwngnok khotolo
Achukthai kaisaono chini,
Bui kebo ma achukya chini achukma thaio
Khatijak chini bagwi simi.
O kiching nwngba muitu de tongkho
Chwrai phuru porilaimani kokno,
Nwng bai malaiya kwdwkma wngkha
Buphuruba malailai phino.