TA KWTANG KHODI

Anta Joy Tripura

Kwtanglang sukkha

 nok tei achaima prano.

Sal biti noknose kha kawi tongsio.

Cha twitwi nung twitwi

khale nogo aitaise swijak.

Himtwi thangtwi thutwi chatwi

noknose kha kawi tongsio.

Ama Osa mwtaini tero

 nogo thangmani.

Ama Mailungma Mwtaini

 ter paiywi phaimani.

Tabuksuk jora wngkha

thangjiya khoni kwtanglang kha.

Haya hadisini lama wngthani bo

 wanama kwlaio.

Kopa sikao imangni

Pojano rujujak.

O imangni poja

Kasukjinai thaio kasukya kho.

O kha nung takwtang khodi tabuk.

Kopal tongkhai tongwi tongnai

thwiya swkni nokni borokbai baksa.