Nuknai Kebo Kwrwi || Koklop || Kripasindu Debbarma

Twima kwchartwi
Imangni rung chogwi
Phaina hinphano,
Manjaya wansugwi.
Belai hakchal imang bai rung,
Khakathokya saichung.
Haiphano ringhorwi tongo
Twimani ayang naro.

Sal thango phaio arono
Wansugwi manya haiphano,
Tamo khwlainai ?
Swngmung khao tabukphano.

Phirokmung kwrwi swngmungni
Phiyaba khwlaithaile ani,
Mokol kupulung muktwi
Nuknai kebo kwrwi.