ANI-NINI || KOKLOP || BOYER DEBBARMA

Tabukbo o twisani Goron
Khibiwi manya
Nini sago tongkho.

Ayangbo hu, yangbo hu
Gudugudu khachikma nukheno
Mokolo tamoni aswk bu.

Kwthang tongphuru ubobo Ani
Abobo ani, Nini
Chati thwimani ulo sabo sanai nono
Abono nini.

Chwng i hao swrapsani bagwi
Nogwrai phaimani
Nwngbo sao Ani , Bobo Sao Ani
Buphuru chini wngsinai
Nini , Ani, hinwi salaima
Khao wansukmase.

Lengmano pokrwna bagwi
Muktwi thopsabai huwi
Langmano tisana jora.

 Boyer Debbarma