Babwrai || Papiya Debbarma

Bwkhwrwi bubar wngwi kiyok kha tini
Sal kaui phaimani Jora
Naithokthok bini goron
Belai naithok bo tini .

Tongthok chathok no manwi
Tabuk bo hayungni
Raida no pokjak
Salsa bobo kwlai nai hao .

Twrwk twrwk bubar hoina lamao thangu
Bini naithokma sarina nayu
Hai phano khumbar chaitogo
Bini naithokma tona bagwi .

Paithakgo muito manjakgo
Bini kiyokma salno
Bo tongthok chathok tongmanu
Tabuk bono mokol kainai khoroksa kwrwi .

Bahai motom kwrwi kha
Babwrai wngwi Hao kwlaio
Kebo khochanai kwrwi
Kwmai thangka bubar .

Swinai: Papiya Debbarma