Chwlarause Dophani Thungdu || Koklop || Rupa Mohan Tripura

Rujugwi tongw rangkwchakni bwkwlwi

Kaigwi larwknw nokhung khutwitwi

Poja pailaiya chuba phaigwra

Thungdu kwrak yakathwng lagwi

Wagwi larwknw dophani habano

Chwlarause dophan thungdu

Uatwlau bing kwlau maimi uatwlau

Maichwlwi kwkwrwk badia maitang

Yarwng kwrak yaching pegwi

Raksagwi tongnai bwdei bwpwra

Yaksi yakgwra da yakgwra

Chwlarause Dophani Thungdu

Hojakya dophani pojano rujugwi

Sukrukjak bwmwng bwthaino uagwi

Larwknw jaitini dakma phunugwi

Achainw kwkwrwk ading bachagwi

Tangjakya dophani haba bwlwngno

Ma kasukronai yakbai yak chuaigwi

 Dophani kwkwrwk bwkwlwino kaigwi

Chwlarause dophani thungdu