Kebengjak lama || Koklop || Bimal Noatia

Phunuk manliya yasi surwi
Sawi manliya khorang tisawi
Kubui huijagw bolong usigwi
Holong Khunawi tongu gana o achukgui
Nuhor tongui bw sini horliya
Sal pasawi bu siyari komorliya.
Kebengjak Lama salni pohor no.

Khakulap kurak yapri honu
Tunglu luk satung bai kurung nani
Chumui kosom pohor kebengu
Dusi mung mankha pirnai sal
Kwbwi no huikha Bolong bisingw
Tatal no nakha kakwlap Sakha o
Dusi jak phikha khakulap kurak no
Holong siring naiui tongkhu khorang kurui khe..
Kolok borok lama kumajago
Kwswrang borok kebeng jagw
Kwbwi le Bolong bisingw hwijakgw

Nukjak male dal kubangma tini
Twisa toljak hapung haithai chini
Hathai subaiwi hapung soksawi
Phaitimale tini hukchalawi
O Hugo no bini kothoma ..
Dida no lobui ruchapma ….bebak kochogui komor thangkha….khakulap kurak teisa khorang khaio….Holong tabok bo siring tongkhu…Holong koksadi ….khapang koi o… Loge Sai khakulap kubai