Nwng phayanw hinwi ~ By Dhanuraj Noatia

Nwng phayanw hinwi tailamni

Porda norwi tonimani,

Lamani hadwlwi khaphangni huwi khibimani,

Watwi kwtalni bahaibai nok mwchangthwn hinwi.

Nwng phayanw hinwi nokha naisai

Salburum chumui lekhaui,

Hengra bubarni bahai motombai

Nini yakungno sajogwi toninani hinwi.

Nwng phayanw hinwi horo bachaui

Athukirirokbai kothoma salaimani,

Talni pohoro swikong romwi

Nono naisingwi bebak kokthai wamani.

Tomung nwng phailiyanw – haiphano

O sajokmung, o imang, o naisingmung

Ani langmani jotoni naithok

Koklop wngwi tongnai!