RANGOLA (II) || Koklop || Killian Debbarma

Bolong gwnangwi mayungni khorang
Nuknale kwlai yakho

Mwsabo tongo bolong kuthugo
Thumase sicha yakho

Mayungbai mwsa malainai teisa
Kokle Kubuide wngno

Thwiya hokini horgwlai chwngma
Noknade kwlai no

Chuchu rilangma noksuma matai
Tangnase kiri laipho

Lama bumani hamthoma mwtai
Riyase balukha pho

Nogni okwra pali thungthani
Phegwise sicha liya

Wathop rinani jora lainaikha
Ochaino naituk manya

Nogo tongsoknai cherai khasiya
Bahaikhe jugali nai

Okwra kusu baksakhe Chabwi
Samungno matang nai

Bura burwichwk sunglangma latha
Saboni khati jakkho

Burasa chalan rilangma hathai
Saboba sini baikho

Bolong thabolong khurlaima lama
Muito rokde tongkho

Rangchak RANGOLA Phobjak hinmaba
Rutok lainani dakho