Sikla chalai || Koklop || Sajal kumar Debbarma

Sikla chalai || Sajal kumar Debbarma

Sal thango hor phaiyo,

Thango laiwi kwbangma bisi.

Hayungni joto sikla chalai,

Norok jotono sisabaisidi.

Tai bwswk norok buibai sajaknai,

Joto samong hamya khwlainai,

Hayungni sikla chalai!

Tomong hamya tongnai,

Chamong hamya chalai,

Hamong siniya berainai,

Silsa jagwi tongnai,

Khwnaya nokya majra.

Mohaikhe mangda norok,

Kwlwkgwi tongsinai.

Norokbo bachasidi norokbo sisasidi,

Norokbo swnamsidi hayungo thai.

Norokbo segwi nasidi norokni manthai.

Norokse chini dophani,

Thinangni chati.

———————