SUWARI || Koklop || Mithun Tripura

Ringjago jotobai angle chwraisa,
Wanama babiba tabok chikonsa.
Bwkha bathakma nogo swrapsa,
Palbai thwnglaigo
chwngle saldopsa.
Urijak kha ani chumuibai baksa,
Motomjak tini angle khumbarbai baksa.

Kami kotorma nukhung sai rasa,
Angle ongjago tini yaprasa.
Mankhwna angle mwtaini suwari,
Swngcharni tongthokmale tini ani thani.
Khwnago kok angle ama baboni
Hinjago jotobai khachuksa tini.

Mano hamjakma chwchwi chuchuni ,
Nogoni chathay mandile joto anino tini.
Ringjago angle khorang kwchangbai ,
Charigo anole maya kwtwibai.
Mnkhwna angle mwtaini suwari
Hayungni mayale tini ani thani.

Himoy himaya angle nathalsa,
Baboni phikungo tini yonglasa.
Chagwi chamaya angle basesa ,
Amale tukjago toktwi bwkwraisa.
Bujakyai bujakgo areng kaptero,
Dara ,Bai, songle kok kutung ma cha go.
Mankhwna angle mwtaini suwari,
Nukhungni hamjakmale joto anino tini.