Thinangni khachuk || Koklop || Shiyari Debbarma

Khachukni logisong Thinangni ani,

Thaisa-thainwi kok sanai ang khani

Rwngna nangnai nwng twidulna ano

Kha hamlai tongna khe chwng thinango.

Bisi pungma salo kanrwdi nwng

Nini yakbai khum barsa phano.

Samung deraibo kutukdi kisatiya nwng ano;

Kaijagwi kwtal phaima ba angbo, derajak phanomano.

Hik-sai twtwi, tah tongdi buihai chalwi

Joli tongphano chaitokdi, sanani kokno khalwi

Kubuljak kokrogno hinkhe se sukruglai mannai,

Swrapsani wngyaui chini halokbo hannai.

Horo thuphuru waisa-wuisu tah pokdi nwng ano lobna,

Ang nini tei nwng ani logisong ba, tak pokdi bebagono khobna

Hati khaina thanglaibo uklogo tah kwlangdi

 Yak romwi himyakhe hatio tah twlangdi

Habani kiphilna jora wngphuru nini

Bebak samung nokni pawi, chamung swnamtwi

Chini yakbai swnamjak bario twi lutwi,

Nasingsok tongnai ang nini bagwi twi kutung muthungwi.