Watwi ni sal || Koklop || Abhijit Debbarma

Watwi ni sal

Abhijit Debbarma

Watwi Sal bai Nokha flikma bai.
Naithokmani Naide nwngle.
Watwi wama bai, Nokha flikmabai.
Mwchangmani naide Nwngle.
Asuk salni ulo nwngbai malayoi tong thokha.
Faide gana faide, teisa gana faide.
Sadi ano sadi tamo sana sadi.

Faikha Nini gana tamo sadi sana.
Asuk naithok naide Nahar bo analagi.
Nokha somma bai Watwi wanana.
Nokha flikma bai, ferang kokma bai.
Nono asuk gana mankha.
Nono asuk hamjakha.
Bwkhase kobor chayoi thangkha.
Nobar sipsai sipsai.
Ano kha rema bai.

Hamjaknai ang nwng bai.
Tong Sinai ang nwng bai.
Ano yakarwi ta thang de nwng.
Ang bo nono Kwbui no hamjakha.