Uatwi
Nabalaxmi Debbarma
Uatwi boroni bangkha aswk twi
Twicher taicher kenjua botok
Lama kinaro miski bukyeye
Thepung kumung kogwi klaijak
Thampuima bereng bereng
Nokha hilikjak poja paiya hai
Pene pene uatwi klaijak
Bol nokgo bol kwran kwrwi
Thapao hokur lung lung
Joli hatia miya kapurumani
Bakao halango ama
Mwnai bai kwkwi mai sanwi kabo
Angbo bandiui manya
Thepung bwchwlwi nana yok tongo
Bohrokno charina hwnwi
Romo bai rwsam rwkai tonikha
Ran khaino suknani hwnwi
Tikar tolao dek karai hubai
Tongo amano rekeui angbo
Tokmabo kog kog toksabo chik chik
Musuk bo mo mo pungjak
Phaiya khe phaiya
Phaikhebo thakya
Naselejakna hamkha