SWRWNGNA NANGO (Kothomabwsa) || Dangdu basu Tiprasa

Phung kwchang dodor maisingni siyari paitwi paitwi waisa wuisu sachwlangni boyar sipchana chengkha. Ri chumkhebo kolomo tai chumya hinkhe bo kwchango, phiya phung aisiri siri hinke kwbangkukno kwchangkho. Yang sukuraini nukhungo aisiri siri kaplaimabai chirikhoklaima nok gurumsai tonglaikha.Head master Retired Sukurai aisri siri morning walk khlai phirogwi tongphru hakchalni simi no khwna prai prai khe khunjuo buhoro ‘ Ama ang thangya ama angthaya’ hwnwi kirikhokmani. Sukurai nogo phaiwi nukphaikha Nok kupulung bijab khitarjak ligi lagai. Sukurai khorang khwlaio oi nwng biyang thangkha? Yang nok gantiose,..khorang yachago kiling. Thangdi kisa a Dunagno bandiwi rwngnogo rohorgradi. ‘‘ A bwsa khoroksa sino bandiwi rwngnogo twlang manglak borok” kiling tentai twtwi busukni yango thango. A busuk khoroksa baino pailaijakya hwnwi Sukurai twrwksakhe hwnrwgo.
Dung o Dung hwnwi kiling busukno nungwikha. Dung bwchwino nukheno kwbagwi kapkha. O achwi o achwi ang tini rwngnogo thangya. O ani dungba… .. ani saklaba…bwchwi dungno bandio. Phaidi bwswk hilikha tisai naigrana… kiling pa Dungba siklasokha ble angbai baksase wngna naitongkha hwnwi bwchwi busukno bohogo ketaio. Dung -Wariksakhe mwnwi o hi… hi… hi…
Twrwk twrwk busukno kiling swngo ‘’Nwng tamoni bagwi rwngnogo thangnaniba kabsa”? Bwchwi swngo Dungno. “ang kirio ! Dung. Hai nwng rwngnogo thangnani ba tamoni kirina tongsa? Sir khangrai bai bujaknani kirio. Sir homework khwlaiyarokno buo. Aboni bagwi ang rwngnogo thangnani muchungya- busuk. Nwngle pora manya diba?-bwchwi Ehi mano-dung. Nwngle homework khlaiya da tongba? Dung ehi. Nwngle rwngnogo thangwi buibai buibaida walaiba? Dung ehi. Ang jotobai kwthawi tongo tai sirbai ‘good boy’ hinjago.. Dung . Hinke nwng tamoni bagwi rwngnogo thangnani ba kapsa?dung Hmmmm kisa selero tini. Bwchwi o ani dungba rwngsrwng nani ta selerdi. Nwng doctor wngkhese ulo chwng bwrwichwk wngkhe nwngbai Sak naijaknani. Awo achwi. Bwchwi saphiro-“” Rwng krwngrokse o hanj jotoni kwplai, Rwngkrwngrokno khoroksabo mechenwi manya! Rwng krwngrokse hoda- dophani Bekreng”. Hinkhe Dung nwng tabuk sadi “ Nwng kwplai da wngna muchung eba kechen? Dung- Kwplai wngna muchungo achu. Bwchwi- Tomungno nwng kwplai wngna muchungkhe rwngnogo ma thangnai. Dung- “Achwi ang tinini simi tai rwngnogo thangnani selerliya, tamoni hinkhe ang khoroksa jotoni swlai kwplai wngna muchungo .Anu Achu samani tongo“ Rwngno lama, rwngno pohor tai rwngno sak suwarni phan”.Dung phat phat school bag khochawi rwngnok bwkhar khaichik langkha.