KIPHIL LIADE || KOKLOP || SAGAR DEBBARMA

Phungo motomwi barnai khumtoya
Sal kasakhe babwrai chauq
Manya tei bono kiphilwi sarik
Sarik jorano mwchangrwi barnai
Khum sarik hinjakya de?

Bolong burano sikwla charwnai
Sachlang jora yade?
Achwini khuri lebang romtwtwi
Puri natual khwnai phaimani
Jorale biang thangna?

Sajak loaded kereng kothoma?
Kiphil liade sachlang jora ?
Barlia de phungchang jora?
Khumtoya motom bahai

Sajagwi phaimani khukbai khugo no
Nuaini thani bwkrang sanma
Tabuk nuklia nuai birmani
Nuksio tabuk kochokjak jorani muktwi
Kwma kha tabuk hukni sampili
Nuklia tabuk hachwgo gairing

Ma nwnglia tilok twi kwchang
Machalia twisani abarsa
Swtwi bwlayo pengjak

Kiphilna silia de nwngba o jora?
Phungo lam rwkhe sal ta hapdi
Mwnak kobolwi lama nugwlak
Khuanw yakungo rojong
Nasingna nanganw aichukni pohor
Achugwi teisa bolong kuthugo

Kiphil phaisidi o gairingsa
Kiphil phaisidi o sachwlang
Tubui phai sidi kwchang boyarno
Nwngba kiphilna rwnglanglia