MWKTWI ANI || Koklop || Mithun Tripura

Luku kwmajak swngchar moyalni kami sandari ang
Khwnai manode lama korogwi cherai kapmani khorang
Mwktrwi manyani khorang kwrwngo aichuk kichikma tokla
Mwkhangni mwnwima bophro kwmakha kebapha saoi rila

Tamoni bagwi aswk khao wanama kebo sanaide ano
Poja kwbangma saichung hornani kebade chubanai tongno
Lam kolokma ang himnani yapri rwknaide tongno
Lam korogwi ang tonphuro yak tolnaide tongno

Lamani choba bataimung kwbango kwplai ongnaide angba
Sakni yathekbai bachai mannani swrwngwi manaide angba
Ama baboni phikungni pojano helengri mannaide angba
Kwrwi boroni nangmani jorago chubai mannaide angba

Hamya jorani-
Mokmung jorani,
Sak saichung ang kabwi tongphuro
Mwktwi hunaide tongno

Biyal jorani-
Kesep jorani
Sak saichung ang ongkhwi tongphuro
Khopsa tuknaide tongno

Cheraiphuroni thwngnai logisongbo
Thangbaikha jani biyangbo kwmagwi
Omor kwbangni lachima bangbaide
Saichung tongbaikha noksingo habwi
Jora tongwibo jora kwrwijakbaikha
Aswkbaino kokma kwrwilaikha.