20/07/2021

Jora Hamyani Goron

Nairangliya khani muchungtwi gwdalaikha

Kaisa tei kaisa bataima thaklailiya

Tokma le bwsa mayabai sakno swkakya

Takhuk,bukhukjwksongle sa kwlwi nuklailiya.

Khwnano mol painaikha wnglaitwi

Kaphwra laio marwkgwlakha hwnwi,

Swrapsani bising kwmao,biyangbo sa kwlwi riyano khibioi.

Akarlaimani omo twma tongthokba wngkha aswk!

Hao bemar hamyani birman kwlaijak,

Chini borokrog naslema,pheklaima,kharlaima bemaro kochomjak.

Umor nasikliya tongmung mwchangliya

Ma,pha kharlaijak bwsa bwtwirog phekgwi kwlaijak

Sabono swrwngwi hamnai ?

Tei babaisa, kuwaklaio khorok nok kaisa

Khem hamya chini bosongo,

Thumwi chapnaisa rungbaiya sini,teisa se pisarjago.

Piring poroi chini dophao buphuru chapjakbaino

Lachima kwrwikhe kirima tongna nango

Sak sakno kisa wansuknaijadi norog

Phainai jora joto ni tongo aphuru nwng boro tongnai ?

                                                         ~ Jeshmi kalai